Matan Meir, anëtar i produksionit të serialit Netflix, Fauda, u vra në Gaza.
Lajmi për vdekjen e tij u bë i ditur nga Forcat e Armatosura izraelite ku thanë se “në mesin e pesë ushtarëve të Forcave të Armatosura izraelite të vrarë në luftimet në Rripin verior të Gazës ishte majori Matan Meir, 38 vjeç, i cili ishte pjesëtar i ekipeve të prodhimit të Fauda dhe seritë Tagad’.
Ndërkohë, kasti i Faudës shprehu pikëllimin e thellë për vdekjen e Meir, duke postuar në llogarinë zyrtare të emisionit.
“Ne jemi të shkatërruar kur ndajmë lajmin se një nga anëtarët e familjes sonë Fauda, Matan Meir, është vrarë në luftime në Gaza. Matan ishte një anëtar integral i ekuipazhit. Kasti dhe ekipi janë të shkatërruar nga kjo humbje tragjike. Ngushëllimet tona familjes së Matanit dhe shpirti i tij u preftë në paqe”, thuhet në llogarinë e serialit televiziv Netflix Fauda në një postim në X.
We are devastated to share that one of our Fauda family members, Matan Meir, was killed in action in Gaza. Matan was an integral crew member. The cast and crew are heartbroken by this tragic loss. We extend our condolences to Matan’s family and friends. May his soul rest in peace pic.twitter.com/kuaJ2gclGk
— Fauda Official (@FaudaOfficial) November 11, 2023
Seriali Fauda
Fauda është një serial televiziv izraelit i krijuar nga Lior Raz dhe Avi Issacharoff bazuar në përvojat e tyre në Forcat e Mbrojtjes të Izraelit. Seriali u shfaq premierë më 15 shkurt 2015. Ai tregon historinë e Doron, një komandant i njësisë Mista’arvim dhe ekipit të tij – në sezonin e parë, ata gjuajnë një krye-terrorist të Hamasit të njohur si “Pantera”.
Sezoni i parë u filmua në Kafr Qasim gjatë Luftës së Gazës 2014. Ai u shfaq premierë më 15 shkurt 2015. Sezoni i dytë u shfaq premierë më 31 dhjetor 2017.
Sezoni i tretë është i vendosur në Rripin e Gazës dhe është transmetuar në vitin 2019 dhe 2020. Ndërkombëtarisht, seriali shfaqet në Netflix, dhe sezoni i katërt u transmetua në fillim të vitit 2023.